قابلتها لأول مرّة في مكان
بقالي كتير مروحتوش من زمان
حصلتلي حاجة تتشبّه بالجنان
حسّيت كأنّي اعرفها من زمان
**
وقفت مع نفسي وقولت أهدّى البال
حكّمت عقلي وقولت اسألني كام سؤال
**
ليه من نظرة انا قلبي اتشد
وبقيت طاير مش ع الأرض
ده دقيقتين وهروح اجيب ورد
للي سحرني وهمني بجد
**
حاولت أقرّب واشوفها هتعمل ايه
يمكن تحس بقلبي واللي بمُر بيه
قالتلي مالك وبتعاكسني ليه
وبرّقتلي قالتلي انت عبيط ولا ايه
**
اخدت جردل مياه ساقعة في وشّي فجأة
وقولت اسألني تاني من صدمة المفاجأة
**
ليه انا شوفتك دق القلب
شكلهُ مكنش ده اصلاً حُب
نزلتيني لسابع أرض
كأنّي بكفّر كده عن ذنب
التعليقات