مساحة إعلانية
مختل عايش دايما في وجع
مكتئب بقول يارتني ما كنت معاكوا جدع
المشاعر دي ماتت من جوايا
شايف نفسي مشوش روحت كاسر المرايا
مستني طلوع الروح تعبت من الجروح
ماتت الطموح مش فارقه وجودك يلا روح
تعبت من الحياه ف بايديا صنعت كفني
قبل ما تمشي استني قوليلي مين هيطيب وجعي
وبتفتح الستاره وكل مشهد يقتلني
محدش هنا وساني كله بمرضي عايرني
اني مختل واني اعمي مش بشوف
مكتئب ومريض نفسي وانا مبقاش ف قلبي خوف
ولاد اصول وباعوا وانا بقيت مستغني
مش عايز حد جنبي عايزكوا تبعدوا عني
الوحده افضل ل شخص كاره الدنيا زيي
اتهان واتوجع وكل مره بقول هتعدي
متسند ب السند والسند هنا ملهوش وجود
نفسي اولي بيا نفسي بتموت
كل الكلام وجع بنفس نبره صوت
اخرتي قبر .. اخرتي تابوت
اخرسوا كلكوا وشوش بتنافق
الكل هنا كداب محدش فيكوا صادق
الكل قال انا جدع الكل قال انا اخوك
لو هما فعلا كده قولي ليه خانوك ؟
ليه باعوك ليه كرهوك ليه نسيوك ليه عموك ؟
كل ده حصل ليه ؟ بنيتهم يكسروك ..
وانا متكسرتش لقوني فولاذ حديد
رصاص بيجري بدل الدم دمي رصاص ف الوريد
بعد نص العرض كله سقف هتف بطل
ايوه بطل بس البطل هنا اتقتل
الكل كارهني ما انا كاره نفسي اصلا
و احب نفسي ليه كامل ولا غلطه مثلا
بشكي ل السطور بدموعي انا بكاي
كمانجا ولا ناي قولي بطل ازاي ؟
ب دمعي ولا بجرحي ولا بقلبي اللي اتقتل
ولا روحي اللي ماتت وجبروتي اللي اتسجن
متسند ب السند والسند هنا ملهوش وجود
نفسي اولي بيا نفسي بتموت
كل الكلام وجع بنفس نبره صوت
اخرتي قبر .. اخرتي تابوت..
التعليقات