مشتاق ل السما بس رافض فكره الانتحار
الحلو داب ف الهوا و الدنيا بقت مرار
شويه تراب ليهم راجعين
يا بن ادم الحياه دي رحله واحنا مش باقين
يا نور العين انت فين انا لسه قاعد مستني
بعيط جوه اوضتي بقول يارب وبدعي
بشكي ل السطور كل مره انا موت فيها
الحياه كلمه كتير بسمعها بس انا مش ليها
انا مين انا مش انسان انا جثه علي قيد الحياه
هو بين ايديكوا لسه بس مش فارقين معاه
ده العقل تاه والقلب اتكسر
مريض مرض خبيث ملوش علاج شبيه ب الكانسر
كلكوا طلعتوا منظر وانتوا بموتي اتمنيتوا
كفنتوني بالحيا ودفنتوني ومشيتوا
كفايه غل كفايه فرح ف ال مات
انا اتأذيت من الدنيا بحالها مع اني شب بس شاب
الدنيا بتنحت فيا بألف شفره موس
كل يوم كابوس ف اليأس اخدت دروس
وانا كنت طيب بعدي عشان ارتاح
عيشت مكسور الخاطر عيشت سواح
ضلمه و خنقه و وحده دول اقرب حد ليا
قالو كافر قالو فاشل قالو مش قد المسؤليه
دول عابو فيا وقالو عليا كتير حجات
قالو اتكسر و اتصدم ف كل الناس ثم مات
و الليل ده طول وانا نعسان ونفسي انام
و زهقت م السهر وشرب القهوه وحرقي للدخان
امان مفيش امان حتي الاحلام بقت كوابيس
قلبي مترشق دبابيس البشر اتحولو اباليس
الموت بيقرب لكن عمري لسه منتهاش
انا اتبعت ب بلاش و النهايه ف الانعاش
بلاش عتاب بلاش اشوف وشوش جديده
انا اترميت ب الاذي بسبب عقولكو المريضه
كفايكوا غيره كفايه حقد كفايه كسره قلب
سيبوني لوحدي انا حد اتكره عمره ف يوم ما اتحب
موال ف دايره بيدور فيها المداري
و انا لسه زي ما انا .. انا لسه ثابت مكاني
الدنيا بتنحت فيا بألف شفره موس
كل يوم كابوس ف اليأس اخدت دروس
وانا كنت طيب بعدي عشان ارتاح
عيشت مكسور الخاطر عيشت سواح
التعليقات