سمّ و اسلم و لبيه
سم لبيه و امر
قلبي لا لا تجافيه
يا لطيف المشاعر
الغلا كيف تخفيه
ان عيونك تبدّيه
لو قلبك .. يكابر
عاشقك قال يا هيه
قال يا هيه ! ناظر
ناظره لا تخليه
في عيونه عباير
يا حبيبه و غاليه
يا وسيع المحاجر
كلمة ن منك تكفيه
كلمة و جبر خاطر
يا مهدّ التهاتيه
يا مردّ المسافر
يا مهدّي المشاريه
يا معدّي الاوامر
يا مقدّي المعاتيه
يا مردّي الاكابر
صاحبك لو تحاكيه
ضيع العمر حاير
انت جرحه و تشفيه
انت لو غبت حاضر
صد عنّه .. تبگّيه
لدّ فيه .. ايتباشر
المسا منْك يسريه
و الضحى فيك ساهر
و المطر وش يطريه
صوتك ب كل ماطر
حسّك اقرب لاذانيه
من دويّ المعابر
ابتدا فيك اغانيه
و انتهى فيك شاعر
التعليقات