كلمات اغنية بساطة باند – مالي حيلة(مع هشام الجخ & وائل الفشني)

مالي حيلة انا مالي حيلة

حياتي معاك منين ما تروح و بستناك ترد الروح

عينيك السود رمتلي وعود و لمس ايديك يداوي جروح

الليالي شايفة حالي شايفة خوفي عليك

و انشغالي و كل غالي بقيوا ملك ايديك

وجودك معصبني غيابك معصبني يا سهم الغرام الغريب اللي صابني

هزمني و غصبني و فاتني في بحور الليالي التقيلة

و تغيب الروح يا حبيبي لو تغيب ليلة عيون كحيلة و صابتني و مالي حيلة

يا قاتلي بالعشق كرر قتلتي فانا بقتلك لذتي و عذابي

انا عاشق و العشق كل جريمتي ارايت ذنبا غيره بكتابي

حد المحب اذا يجاهر وصله فاقم حدود الله في الاحباب

غرامك عاندني و نشفلي راسه و مشواري طول ولا حد قاسه

في عرف الغرام اللي بيذل ناسه تشوف العيون الذليلة جميلة و مالي حيلة

لو ع المكتوب فيادوب فرحتي قليلة يا قلب براح كفاية جراح مالي حيلة

و يفوت الليل دقات قاسية و بخيلة و ابات الليل و اعاني الويل ومالي حيلة

و يا حب يا زيف كداب سكته طويلة وعدني و غاب و فاتلي عذاب و مالي حيلة

ماتعشيميهوش يا وشوش باهتة و عليلة دة عمر فاشوش انا ماعيشتوش و مالي حيلة

و لاني يا خال حمال شيلوني الشيلة سنين رحال بحمل جبال و مالي حيلة