على دلعونا وعلى دلعونا اعلان البشارة حلّى هالكونا
ملاك جبرايل قلّا للعدرا سلام عليكي يا طاهرة وناضرة الله من عندو عطاكي القدرة تتوصلي إبنو لكلّ المسكونا
قالت ليش إلي ربّي نقّاني للمسؤولية مش حدا تاني رغم سؤالي عندي أماني حقق ما شئت وخلّي ممنونا
قلّا لأنك اني بَرِيّة حافظتي بعمرك عالبطولية قرر يكفّي بأحلى هدية ويحلّ عليكي روحو من هونا
قالت يتمجّد إسمك يا ربّي انا خدمتو بكلّ محبة رح قلّة نعم من عمق قلبي وإبقى بهالدني إمو الحنونا
يوم لمريم فالتلو نعم غمرتها الدني بأحلى نِعم رح يبقى إسما عشفافنا نغم واصلي عالسما بحبّا مرهونا
التعليقات