غلا غلا ممكن اعبرلك عن احساس الغلا
انك تحب انسان واحساسك عن العالم ضرير
ولا ولا ممكن اعبرلك اعبر عن احساس الولا
اعيش بك واموت بك وانت الرمق بعد الاخير
يا غير عن كل القلوب ان قلت بصدور الملا
يا عاطفه و حدودها اكبر عن الكون الكبير
و انا عليك اغار من نفسي و من كلمة هلا
غيرة طفل من فطرته انه على العابه يغير
ياكم قبلي حظ و ان طال الزمن عاف وسلا
و انا اذا طال الزمن يزداد حبي غير غير
عودت قلبي يعشقك و الغير لا والله ف لا
و انت الوحيد اللي معك الحب تحديد المصير
ماضاق هالكون الوسيع و خيم الليل و ملا
رمشي غطا و الرمش الاخر يا حبيبي لك حرير
تعال نام بمقلة عيوني و انا اشوف الحلا
عشان اصبح بك صباح الخير ي الوجه المنير
و انا عشقتك والعشق ساعات يرميك ببلا
ادور البلوا معك والسر ف الشطر الاخير
التعليقات