اخيه من حبٍ يجي فيه ذله
يحط من قدر المحب ووقاره
من لا يرى في عشرتي مكسبٍ له
فأنا ما اشوف ان في فراقه خساره
انا نويت اشرح لك الوضع كله
واحط لك خطين تحت العباره
لان السكوت عن الخطأ شبه عله
وانا الخطا ما احب بره وداره
حبل المواصل في يدك لا تتله
دامك كسبت محبتي عن جداره
حبل المواصل في يدك لا تتله
دامك كسبت محبتي عن جداره
سارت سواليفك قدام وممله
ما عاد فيها مثل الأول إثاره
غصبا تعقد الحبل ولا تحله
ماهي بتحتاج المحبه شطاره
ودين الهوى ما فيه مذهب ومله
حتى الكلام الزين رهن الاشاره
وكرامتي عن الجسد مستقله
ماهي بترضى هزعتٍ وانكساره
حبل المواصل في يدك لا تتله
دامك كسبت محبتي عن جداره
حبل المواصل في يدك لا تتله
دامك كسبت محبتي عن جداره
التعليقات