عاد التاريخ نفسه ورجع
وبنتبع نفس السنن ورا اي واحد نتبعله
وفي ناس تحب تعيش خدم وتموت خدم
وان راح صنم بنجيب صنم وبنركعله
فرعون رجع تاني سلطانه
دا عينيه ودا ايديه ودا لسانه
وكمان وراه منه همانه بيشتريله وبيبعله
راجع وراجعه معاه كمان حاشيه
واقفه الحياه و بيقولو ماشيهه
وان قال علي الله .... فوشيا
بيافقول و بيخافوا من زعله
عاره ومفيش بعداها عاره
واحد سايق ناس بإشاره
وان حط في صوابعه سجاره
80 ايدين بتولعله
فرعون ومعجون شيطنه
والفرعنه لعبه ياما مارسها ودرسها وداريسها
مههوس بحب السيطره .. وفي الافتري مناهجه عاش بالمسطره بيأسسها
والفرعنه عباره عن مهنه وليها نداها تندهنا
وليها صحرا وليها كهنه وليها عرش مستني وارثها
ويا تبقي واحد من ناسها او من خدمها و ابليسها
يا في وشها ترمي عصايتك وتبقي موسي و تخلصها
ياتعيش حياتك علي كيفيك وتعيش زمن من تأليفك
وياتنسي تستني رغيفك من دنيا فرعون ريسهاااااا
التعليقات