يا صاحبي زمانا زيرو مبدأ
مسابقة شر مين يبدأ
لازم تفهم بقا وصدق
محدش هيداوي الاوجاع
انا اللي عشقت اصحابي
وزادوا جروحي وعذابي
آمنت لكله بغبائي
وشكرا للي قالوا وداع
هاتوا الدانه وانا هصفي
خلاص متمسي مستكفي
لبست قناعي متخفي
هشرس قلبي ع الاخصام
ده وقت ما كان معايا
مالي كانوا بيسعوا لراحة بالي
ولما اتدهور انا حالي
سابوني وقالوا يلا سلام
كده وياكو لاء مش خالصه انتم تعابين وأبالسه
هنا دم هيصبح صلصه كلها تقفل أبوابها
مالكم لازمه ولا مله انتم ف حياتنا العله
واخركم تاكلو الغله دي كبار خدو مني حسابها
جيم اوڤر كلها بره ابطال يابا أي مجره
هنقول الدولي ابو راشد يعني النزاهه الدوليه
انا كعبي عليكم عالي ومروق نفسي وحالي
احمد مصطفى ده الغالي يعني راجل ف العالميه
انا مبسوط من الفرقه بيعوني بجد مش فارقه
خسرتوني انا بجرأه ومش خسران انا الكسبان
وبأي باي والوداع ليكو منا غالي اوي عليكوا
وروحوا زي ما بتيجوا وجودكوا زي عدمه كمان
بخون انا ضلي فضهري زمن الحرام ده حلال شرعي
انا دمي جريته ف نهري وأوتاري بقت مسدوده
انا قلبي عمره ما كان هايب ف مرايتي شاب لكن شايب
العيب صبح بقى يتعايب وكلها للتراب مشدوده
حزن يا حزن انا احزن منك هم الهم مهموم عنك
فرح يا فرح تعالى اقولك مبتطولنيش ليه مبتجيش؟!
كدب يا كدب انت مليت ناسنا ..مر يا مر ليه عبيت كاسنا
فكر يا فكر يا شاغل راسنا يا خارملي جميع البلالين
مين قال الشغله ف بيتها.. ابطال جي هسكتها
المره الاولى عدتها والمره دي هلا يا عراك^_^
اشباح ف الضلمه تنور حتى الجبروت يتعور
ارجع الا واوعاك تتهور رابط الطيره ف الشباك
حبيبتي اللي انا بهواها واجمل ايامي معاها
وكل سنيني وياها دي باعت من غير الاسباب
قالتلي كفايه انا ماشيه دي قصه من المطر بايشه
ومن بعديا اديها عايشه وليكي انتي خسارة الغياب
في دماغي يابا ده في ڤيرس مفيش أمان لازم أحرص
خلاص ناهيناها هنخلص وحبل الود بقى مقطوع
وهكسر فانتا ف إزازة صحاب كتير ماليها عازه
عامل للماضي انا جنازه يا صاحبي الصح بقى ممنوع
حبيبتي جمالها صافي بيور وكل الناس عشانها تغور
في ليل العشق هي النور انا هجبلك خاتم الماظ
عليها رموش تجنني دي سرقت قلبي انا مني
تعالي احميكي ف النني يابت انا قلبي بقا هزاز
التعليقات