Lyrics :
معاكم ابن ١٠ نفسي بيوم اصير ٢٠
الشباب حياتهم حلوه بابا زي جنه النعيم
مدرست ايش يزلمه بدي اشتغل زي الكبار
بدي اترك هالقلول واروح انقل الحجار
واصير اسافر واروح واجي وأنام برا الدار
زلمه زلمه عني يحكو مش طفل زي هالصغار
قصر اشتريه لااهلي ومحدش يطلبنا ب اجار
فكّوني من سبيستون بدي احضر الاخبارر
قصص حقيقه بدي مش كرتون وخرافات
يلعن ام البسكليت نفسي اطلع مواصلات
بدي استشهد بفلسطين بديش يقولو مات
بخذو حقي اخواني يمه درسنا العرب اخوات
واليوم ابن ٢٠ واقف متأسف لنفسو
معلش انا اسف مني بس الواقع ملتعن اختو
مش كل كبير رجل مش كل شغل بينشغل
انا مفكرتش محسبتش ماتوقعتش تنخذل
رجعوني لمدرستي و عد مش حهرب منها
وخبرو امي مش حنسى سندويشتي و رح اكلها
رجعولي قلويلي ولعبي والحاره الكنت ساكنها
خلوني اضل طفل ووررده شبابي بديش اشمها
انا مش ناسي وعدي يما وعدتك اموت شهيد
بس كرامتي التعن حرمها سبو مبادئي والتقاليد
قراب ع الله كنا قاده ، بعدّونا صرنا عبيد
وايدك البتوجعك اشلعها وكتم عض عحديد
والوطن معشتش فيه بس ضل عايش بحياتنا
فلسطين العرب باعوها ووقعو على صفقاتها
حطو القرن وقعدو عليه ونجسو مقدّساتها
ولك رجلي بكرامتكم ناس بدافعش عن اخوانها
اسرائيلي بوّقع عربي ، بس فلسطيني؟بسترجيش
بتقنعهم بالاستعمار بس لو تصليلي بتقنعنيش
ضلت بلدي الحره وباقي العرب بالذل بتعيش
اه درسونا انهم اخوات بس محكوش اخوات ايش
.
.بالمناسبه
تسكتوش فينا بكفي ، بطّلنا هدولاك الصغار
فهمنا انو العم مش والد وفي شيوخ بتروح عالنار
ومش كل الناس خير وبركه ومتصدقوش حكي الاخبار
والامور بطلت تنتهي بطابتك توخدها وتروح عبيتكم
راح يضل الطفل الي جواتي مؤمن بالحريه وكافر فيكم
التعليقات