عيشنا و شوفنا يا بشر الظلم بيحكمنا و يتحكم فينا
بقينا كلنا قلقانين والخوف على طول باين ف عنينا
عيشنا و شوفنا بشر ببلاش .. عشنا ياريتنا ماشوفناش
اللي يموت علشان بيقول .. كلمة حق و حقه مجاش
شوفنا حاكمها زلها .. يحكمها يا اما يهدها
وابنها يحميها عايز التمن .. احتاجت يطلب منها
شوفنا الدم كتير بيغرق كل مكان
الحاجة بتغلا وارخص حاجة الانسان
الموت خلاص بقا حاجة عادية .. اللي يموت عادي ملوش دية
القاتل هو اللي عايش .. و الطيبين هما الضحية
عيشنا و شوفنا بلدنا غابة .. مفيش مكان فيها للغلابة
القوي بياكل الضعيف .. و الكل على بعض بيتغابا
كلنا ماشيين و معانا سلاح .. منقولش خلاص منقولش سماح
شوف كام واحد راحو ضحايا .. شوف كام واحد بقا سفاح
عيشنا و شوفنا زمن الفتنة .. متقسمين و فـ قلب بيتنا
بنختلف على كل حاجة .. و مش عجبانا خالص عيشتنا
شوفنا ارهاب دمار تخريب .. تفجير خطف اختيال تعزيب
و بقا ابن بلدك بيعاملك .. و كإنك في بلده غريب
شوفنا تحرش و اغتصاب .. و الادمان توهان وخراب
بقينا باصين ع الغلط .. من غير دهشة ولا استغراب
الناس بقو شايفين الحرام حاجة مش غريبة
بيسبو عادي و يتريقو ع الزوق و الطيبة
بقت الاخلاق موضة قديمة .. و كلامنا بقا كله شتيمة
بنقول اوسخ كلام في الشارع .. و في الاغاني وفي السيما
عيوبنا مش بنخبيها .. غلطاتنا بنفتخر بيها
مش مكسوفين ولا ندمانين .. عيشة الحرام سايقين فيها
الصح خلاص مبنعملوش .. و كلام الحق منقولوش
بنشوف الظلم اصاد عنينا .. نقفل عنينا و منشوفوش
التعليقات