أنا فرحانة إجا رمضاني
ياللي رح ابدا صيامه
مع أهلي ومع إخواني
تحلى معهم ايامه
سوا بنصوم و سوا نفطر
ع ندا الله أكبر
للمغرب من عند الفجر
و سوا بنصلي قيامه
يا فرحتنا يا وليد
رح نفطر سوا هاليوم
لا والله عندي مواعيد
و هلأ صحيت من النوم
طيب إنت يا عصوم
طبعا رح تفطر معنا
والله يا أختي أنا معزوم
و الشباب بتستنى
بابا حبيبي إنت أكيد
راح تشاركنا الفطور
أنا عم بفتح فرع جديد
و الناس في المطعم طابور
يا جماعة حسو بماما
ياللي تعبت بالطبخات
بتحب نبقى قداما
لما نفطر يا حضرات
الشغل بيتأجل يوم
و العزايم مو كل يوم
خلونا مع بعض اليوم
معكم رح تحلى الأوقات
التعليقات