كلمات اغنية جوني – تعويذة

قال للساحر ياللا عالجني

فُك قيودي وحطَّم سجني

قول للحزن بلاش يزعجني

خلِّي الدُنيا فـ عيني لذيذة

رحَّب بيه الساحر قال له

خطوة عزيزة

قال للساحر قلبي تاعبني

صوت نبضات جرحُه بترعبني

قول للعالم يستوعبني

خلِّي الدنيا فـ عيني لذيذة

رحَّب بيه الساحر قال له

خطوة عزيزة

قال للساحر مهما بأجرَّب

إني أشرَّق ولّا أغرَّب

بألقى الخوف أسوار بتقرَّب

وألقى عيون الموت بصَّالي

ردّ الساحر قال له كفاية

روحي فـ روحك شايفة مراية

بتكرَّر حواديت جوَّايا

بردها بيزلزل أوصالي

قام الساحر قال له تعالى

أنا بأشتكي من نفس الحالة

تعاويذي معاك مش شغَّالة

وبقالها سنين مش نافعاني

ياللا نشوفلنا ساحر تاني

يمكن نلقى هناك تعويذة

قادرة فـ ثانية

تخلِّي الدُنيا

فـ عينَّا لذيذة

------------------------

كلمات والحان : أنطونيوس نبيل

توزيع : وليد ميمني