كلمات اغنية جون سمير – كورال أم النور – ميدلي الكنيسة

(يا كنيسة قومي وانهضي ده إلهك حي وأبدي

ومعاه أفراحك تبتدي هو يسوع ملك الملوك)2

القرار

(مجده عليكِ يُرَى مجده عليكِ يُرَى

وإن غطى الأرض ظلام مجده عليكِ يُرَى)2

القرار: يا كنيستنا يا مجيدة كل ما فيك جميل

جوهرة في الكون فريدة (غالية مالهاش مثيل)2

الصور قدام عينينا ليها ننظر في حنين

تحكى لينا عن ماضينا و الإباء القديسين

أدى بيننا مارجرجس مثل الجندي الشجاع

و كمان أنبا اثناسيوس (فخر أبطال الدفاع)2

(يا كنيسة يا فلك ومنارة لا يهزك ريح ولا طوفان

شعاعك واصل جوه قلوبنا فى كل عصر وكل أوان)2

(ده الهنا بقوة حاميكى رافع صليبه عليكى

انت الحصن اللى بيحمينا من شر العالم حوالينا)2

أبواب جحيم مش ها تقوي عليكِ

ده الرب حي ساكن في وسطيكِ

وسور من نار مجده من حواليكِ

قومي استنيري هو يفرح بيكِ

(وعد يا أمى هانعيش ليكي بأيمان وصلاة هانعليكي

ونعيش فيكي السما ع الأرض ومواعيدنا هاتكمل بيكي)2

(ده الهنا بقوة حاميكى رافع صليبه عليكى

انت الحصن اللى بيحمينا من شر العالم حوالينا)2

يا كنيستنا مهما اشرح في كلام وافى طويل

مستحيل اقدر أوضح كل حسنك مستحيل

كل ناحية فيكى تحكى لمحة من مجد النعيم

كل معنى فيكى يشرح (عمل الفادى العظيم)2

إن لم تبن أنت البيت تضيع جهود البنائين

إن لم تغرس أنت الكرم يخيب رجاء الكرامين

(فلتتفضل أنت وتبني بيتك هذا وتعليه

واذكر هذا الشعب الساجد كي تحفظه وتنقيه

واجعل هذا البيت مناراً يهدي ويرشد من يأتيه

واملأ بيتك هذا سكيباً تعلن مجد جلالك فيه)2