نسوج وما نسيتي وبعدج تذكرين
كل دمعة حزن كل اه كل عبرة
دخل ننسى العذاب ونبتعد يا عين
محد يسوى من دموعي لو قطرة
اشوفج عالصور يا عين تتحسرين
عالما يحس بينه شتنفع الحسرة
لا ترخصين دمعج كافي لا تبجين
بس غمضي وفتحي تنسي الذكرة
شذكر يا عيني وهمة شمسوين
زين ويانة حتى الهم الذكرة
كبرنة وعالامل وياهم احنة سنين
نسمع بالنخل ما ذقنة اي تمرة
ملتنة الجروح شبيج ما تملين
اني وياج صرنا للعشق عبرة
انتبهي لحالج فدوة لا تصفنين
نهر جروحهم خل نركض نعبرة
يا غربة حياتي اللي عشتها سنين
مثل شموع الهم عالق العشرة
طلع ظالم قلبهم قاسي ابد مايلين
لو عالصخر احطة يكسر الصخرة
تركوني بعذابي يلي ما تدرين
مثل شجرة يتيمة عايشة بصحرة
اتبعثر عمرنا منة شتلمين
وياهم عشتهة سنيني بالقدرة
التعليقات