شو ما لبستي بتحكي الناس،
جننتيهن بالطله
ابيض اسود والماس
كلمالك عم تتحللي
وكلما بتمشي على الارض
بتهززي الدني بضحكه
العالم كلو بطول وعرض
فيكي رح يبقى يحكي..
هي بغمزه بتخليك
تبيع الدني كرمالا
ذوقا مرتب لبسا شيك
بيلبقلا تشوف بحالا،
ومطرح ما هيي بتفوت
بتسبقها ريحة عطرها
اللي شموها صارو خوت
قد ما قويه وخطره…
شخصيتها وحضورا
بلحظه بتلغي وجود الكل
اجمل من 100 صوره
النظره من عيونا بتشل
بتالاقيها وقت الجد
اقوى من السيف بضهرك
طيبة قلبها فوق الحد
وبتحمل عنك قهرك
التعليقات