كلمات اغنية حسن ماك – سالوني

سؤال ياما نسؤلته ايش معنى الراب اخترته من لما شفت شو بصير في الكون عالتلفزيون كل ما شغلته نبض الشارع بورقة وقلم لخصته وبردو الضغط اللي جواي بلا مصعد طلعته لما بيوتنا بتنهدم لما ارضنا بتنقسم لما عيونا بتنصدم لما صوتنا بنكتم لما شبابنا بتندفن لما اخبارنا بتنعلن لما الحرية بتنسجن لما احلامنا بتنعدم الوضع حيوان والمشاكل ديل طفح الكيل وقفت عالحيل فصرت هين وياما بكتابتي سهرت الليل خدو ورقتي قهوتكم وحروفي هيل حريتي هين لما انا الخيال وقلمي الخيل انطبشت مع الواقع فلساني فلت بشوف وجوه باقنعه زي ما بشوف احلامي كل ما نمت انا ياما فئت على البلدية وهي بيت بتهد ياما كتبت راب على ايقاع صوت الطخ باللد سألوني سألوني سألوني ايش معنى اخترت الراب سؤلوني سؤلوني سؤلوني هاد هو الجواب ما سافرت عالقمر وما فضيت اغنيله بكتب بفكر كيف اللي عايش بعتمه اضويله انت بتتعب بدور ع كرسي ترتاح عليه انا بتعب بدور الايقاع وبقعد عليه الواقع هون دفشني اوقف وراء ستاند المايكرفون كل ما راسي انتفخ بفقع زي البلون جرائم قتل منجوع منشوف بعض اكل قال وقلنا ونقل فش مين يرخي الحبل وهداك مش سايق عمهل ولما الضمير سقط متل نظام فاشل راسي عالورقه هبط اسرع من الخبر العاجل العالم حزين اكتر من احزان مصطفى كامل القلب اللي كان فيه نور الان طفى بالكامل بكتب عن الاسير اللي عشان يشوف امه بوكل لقمته بكتب عن اللي سمع قصف بالليل ورمح لابنه ليمسح دمعته بكتب عن الطفل اللي حامل حجر وبيحدفه واللي بكرا بيفهم انه اللي ماسكه كان جزء من غرفته سألوني سألوني سألوني ايش معنى اخترت الراب سألوني سألوني سألوني هاد هو الجواب