حـب الرمك يجري بشراييني
احبها واحب طاريها
العاديـات الاسم للسوره
حلف بهــا وهـذا معليها
ومـا ينحلف الا ترى بغالي
هـو لي ذكرها وهو مسميها
ولي مـا يعرف الخيل يظلمها
واهل الجهل لصقور تشويها
و الموريات اللي حوافرها
تجدح شرار النار توريها
تشهد لهـا القدرة على القدرة
و تشهد لهـا الدنيا ومن فيها
قضيت عمـري في مودتها
احبها ولا اقدر اخليها
وان غبت عنها دورت عني
ريحة ثيابي بس تكفيها
هـي مثل شعري و مثل تفكيري
حره ولا شيئ يساويها
عطيتهـا لـي مر من عمـري
واللي بقى من العمر بعطيها
التعليقات