العاصمة دار الكرام الميامين
مبطي و يرفل في سمانا علمها
من غربي الظفرة الى شرقي العين
نبرا و نتصوع لـ فوعة نسمها
العاصمة دار الكرام الميامين
مبطي و يرفل في سمانا علمها
من غربي الظفرة الى شرقي العين
نبرا و نتصوع لـ فوعة نسمها
زايد حلم بـ انه رسم بوظبي لين
زهت و صارت مثل ما هو حلمها
كانت صحاري بس صارت بساتين
من يوم زايد هازها و استلمها
العاصمة دار الكرام الميامين
مبطي و يرفل في سمانا علمها
من غربي الظفرة الى شرقي العين
نبرا و نتصوع لـ فوعة نسمها
ابوظبي قبله لـ كل المحبين
و لي زارها ترضف عليه بـ دسمها
لي عاش فيها عاش عيشة سلاطين
وحتى البعيد تمد له من كرمها
ابوظبي قبله لـ كل المحبين
و لي زارها ترضف عليه بـ دسمها
لي عاش فيها عاش عيشة سلاطين
وحتى البعيد تمد له من كرمها
دره مديه .. كل ما تكبر تزين
متباهية دام الحسن ما فطمها
غادة حسن ما تلتفت للمزايين
اتميزت بـ اوصافها و بـ شيمها
العاصمة دار الكرام الميامين
مبطي و يرفل في سمانا علمها
من غربي الظفرة الى شرقي العين
نبرا و نتصوع لـ فوعة نسمها
ترهي عطاياها على العسر واللين
و ترضف مكارمها و ترضف نعمها
ما يادت ابها لا مباني ولا طين
يادت كفوف ريال شدت هممها
ترهي عطاياها على العسر واللين
و ترضف مكارمها و ترضف نعمها
ما يادت ابها لا مباني ولا طين
يادت كفوف ريال شدت هممها
تاريخها بـ العز حافل من سنين
و تزعفرت من يوم زايد حكمها!
الله يبقي بوظبي .. قولوا : آمين
و لا خلاها، دايم، و لا عدمها!
العاصمة دار الكرام الميامين
مبطي و يرفل في سمانا علمها
من غربي الظفرة الى شرقي العين
نبرا و نتصوع لـ فوعة نسمها
التعليقات