للبشر عيدين في عمر السنة
وانتي أعيادي معك في كل يوم
أحتفل بك بالشعر والسلطنة
يا هناي اللي وصل بي للنجوم
تسألي هل السعادة ممكنة
وابتسم ما للسؤال أبداً لزوم
دامك انتي الكل واللي مهيمنة
وين انا وين التعاسة والهموم
للبشر عيدين في عمر السنة
وانتي أعيادي معك في كل يوم
أحتفل بك بالشعر والسلطنة
يا هناي اللي وصل بي للنجوم
من عرفتك ما عرفت المحزنه
وأتهنى في ابتسامك ومغروم
اعشقك مهما تقول الألسنة
ولو عذولك بات ليلة ما ينوم
أعرف احساسي بقلبك مسكنه
وتعرفين اني لك الصدر الرحوم
جعلك الفرحة بكل الأزمنة
وجعلك الشمس بعيوني كل يوم
للبشر عيدين في عمر السنة
وانتي أعيادي معك في كل يوم
أحتفل بك بالشعر والسلطنة
يا هناي اللي وصل بي للنجوم
التعليقات