أنا عندي حلم وفي يوم أكيد هقدر وأطول أبعد سما
أنا فيا قلب يقدر يقول الكلمة من غير ترجمة
بحلم يكون ليا في يوم كيان وآخد مكان ووصل لأحلام النما
الشمس نورها عشان يبان لازم تكون الدنيا قبله مضلمه
المستحيل وهم فخيال كل اللي سابوا القطر فات
بس اللي يتعب في الزمن ده بكره يعمل معجزات
يفرق معانا كل حد وكل ايد بتشدنا
وازاي في ناس واقفين ورانا بدون سبب بتحبنا
ومكان ما حلمي يكون هروح دايما هناك
في حلم مستنيني على خط النهاية
ومن غير ما تحتاج حد فينا احنا معاك
هتكون في يوم بطل الحكاية
أنا عارف اني مختلف ودي حاجه مش باديا اني احلها
أنا نفسي بس اشوف وأحس في عيونكو نظرة ارتاح لها
قالوا الجمال في الروح عشان هيا الي باقية مهما هتعدي السنين
قلت الكمال انك تشوف نفسك جميلة بأي شكل فى كل عين
اختلافنا رحمه لينا وحكمه من حكم الحياه
كل واحد ناقصه حاجه في غيره حاجه مكملاه
مش مهم تعيش حياتك كلها مع حد شبهك
المهم انك تعيش مع حد مطمن معاه
نفسي تشوفوني زي ما انا وزي ما اكون
وما اشوفش نفسي في مرايتكو مليان عيوب
في حاجات كتير ما تبانش للناس في العيون
محتاجه تتشاف بالقلوب
التعليقات