عيّدي والمجد عيد الإتحاد
عيّدي وعيونه العالم شهود
من سرَج زايد على ظهر الجواد
ما غِدى للمجد في عينه حدود
هو نِحتها جنّه فبيدا وزاد
لين صارت فاتنه فوق الوجود
بالتطوُّر صارت ابلغ م المراد
غازَلت بابراجها لِبّ الفواد
لين صارت ع الثَّريا في صعود
يا خليفه خذ م العلوم الوكاد
بالوَلا أبشر عن حماها جنود
انته ف عيون الشعب أغلى وداد
وانته رمز العز وشعار الصمود
قدتنا بالخير في حِلم ورشاد
ويِعلك بصحه دِعانا في السجود
ونايبك بوراشد الهامات صاد
حَسِب نهجك يمَشي بحَثّ الجهود
ولك وِليّ العَهد ع الهامات ساد
اسمه رمز الى يوم الخلود
اسمه الناموس في يوم الجهاد
من بَعَد تكبير ربي بالوِكود
ذاك ابوخالد محمد في الحصاد
يَجني القمه أسد كل الأسود
التعليقات