كل العرب واحد بقلب اتحادي
ودك فؤادك حاوي الحب كله
يدوم عزك يارئيس البلادي
خليفة اللي كل حمل (ن) يشله
عساك تبقى نورنا لي مجادي
شخص عزيز نفتديه ونجله
حبك جرى بالدم وغذى الفؤادي
من شرانا هالرخا قد حصله
نتبع خطا محمد بكل اعتدادي
بو راشد اللي حماه عز ضله
يقول معكم اسرتي مع ولادي
نادى بها واعلن لشعبه يدله
على العزوم الصايبه والسدادي
واللي ضعيف الراي بالعزم شله
راياتنا فوق النجوم البعادي
وشعاع داري كل ضيف يدله
سلام بو خالد زعيم وقيادي
فخر الشموخ ارواحنا فدوه له
مواقفه ماهي عليهم جدادي
قد قالها زايد وهو ممتثل له
فيهم كرم عدى حدود البلادي
وعيال زايد فاللقى يوم حله
هذا عضيد له وذاك السنادي
والشعب كله فاللزم حاظر له
التعليقات