لاتلوميني حياتي لا حضنتك وسط عيني
افرح وتفرح بشوفك وارتوي واروي ضماها
يبتسم حظي بعد شوفك وتفرح بك سنيني
ويتباها قلبي بشوفك وعيني بك تباها
ايه انا احبك ولكن طالبك لا تساليني
والقلوب الصادقه ماهي بتسال عن هواها
انتي لحالك وحبك من عرفتك محتويني
وانتي اللي في الحياه احبها واطلب رضاها
لاتلوميني حياتي لا حضنتك وسط عيني
افرح وتفرح بشوفك وارتوي واروي ضماها
كيف اعبر عن غلاي وعن وفاي وعن حنيني
كيف اعبر عن جروح القلب ولا عن دواها
صورتك في القلب راسمها قبل لا ترسميني
ومن سالني ليه ترسمها بجاوب من غلاها
لاتلوميني حياتي لا حضنتك وسط عيني
افرح وتفرح بشوفك وارتوي واروي ضماها
والقصايد فيك بالمسحوب ولا بالهجيني
تعجبك لا قالها شاعرك بالصوت وقراها
وان كتبت اشعاري بحبك تعالي واسمعيني
ولاتدرين اجلسي واوعدك يوصلك صداها
لاتلوميني حياتي لا حضنتك وسط عيني
افرح وتفرح بشوفك وارتوي واروي ضماها
دامني صادق بحبي والوفا مني وفيني
اعرفي انك غلاي وغاية الروح ومناها
ياعسا يفداك عمري وكل ماتملك يديني
ويابخت من قال ناصر بن حمد عمري فداها
لاتلوميني حياتي لا حضنتك وسط عيني
افرح وتفرح بشوفك وارتوي واروي ضماها
التعليقات