في يوم صحيت رنيت و
بعت لكل اصحابي رساله
كتبت فيها اني ف شده
و ان انا محتاجكوا يا رجاله
اول واحد فتح الشات
هوبا لقيته الف حكايات
وفضل يشكي ف حاله ويندب
ويقول ف الاخر احنا اخوات
تاني واحد يابا رد عليا
قالي وماله يا خويا عينيا
بس الدنيا مزنقه حبه
اصبر بس ياصاحبي شويه
لما لما لما
كنتو صحبه ولمه
لما لما لما
كنتو اصحابي ازاي بالزمه
اما يا ناس بقا صاحبي العره
فتح الشات لكن من بره
وعمل فيها م الهند ونفض
قلت وماله هتجيلي بكره
يخربيت ام الماده
بينت كله ف الشده
صفيت كله اتفضلي
نفسي وبس م النهارده
لما لما لما
كنتو صحبه ولمه
لما لما لما
كنتو اصحابي ازاي بالزمه
انا مصدوم ف اصحابي كلهم
اللي انا ياما ميزتهم
دا كانو لما بيحتاجوني
اول واحد اكون وسطهم
شقلبت انا كل حياتي
كلها وقعت من حساباتي
مبقاش عندي صحاب ولا عاوز
قرشي دراعي هما اللي اخواتي
عاوز حب وحنيه
افتحلهم الحنفيه
متقولش بقا اخويا وصاحبي
كلها يابا مصلحجيه
لما لما لما
كنتو صحبه ولمه
لما لما لما
كنتو اصحابي ازاي بالزمه
التعليقات