مساحة إعلانية
حالة ناس خدوا فرحنا سرقة
خالوا حياتنا دي سودا مش زرقا
كلمة ورد غطاها يا زمالة
هعمل للكل بلوكات
(حصرياً على موقع مهرجانات دوت كوم)
ضحكتوني ياللي فارقتوني
فاكرين بعدكوا بكى عيوني
لا بالعكس إنتوا خسرتوني
واللي خسرني ده ذكرى وراح
ياما عدينا لكن بمزاجنا
مافيش ولا واحد بنجنا
إحنا بندي اللي بيحتاجنا
أما إحنا ما نحتاجش لواحد
يا منافقين
مش لاقي مِلة أوصفكم بيها
إنتوا أريال ملعوب فيها
أشكال ولا نتشرف بيها
يبقى في أقرب سلة أرميها
ناس خانوا وأنا واخد بإيديها
يبقى إزاي أنا أبقى عليها
دول بجحين
هسيب ليكوا ع الواتس رسالة
وياريت تبقوا تشوفوا الحالة
كلمة ورد غطاها يا زمالة
هعمل للكل بلوكات
أرقام ياما ولا ليهم لازمة
تيلفوني جزامة فيها كام جزمة
هتبرع بيكم وقت الأزمة
عارفكوا ما تسوش مانيهات
جيتوا منين
حالة ناس خدوا فرحنا سرقة
خالوا حياتنا دي سودا مش زرقا
جزاتي غدروا وقالوا مش فارقة
خيرا تعمل شرا تلقى
إبقوا إرفعوا براشيم الجرئة
عشان جاي أفضي الطرقة
هاتوا سكاكين
طالما كله فاكر إيه ليه
قولولي مين فاكر اللي عليه
الطماع ولا شيء يرضيه
معروف يابا تربية ركلام
عاوزين بس تشوفوا أي في جيبنا
ليه مش بتشوفوا اللي تعبنا
من غدركوا والله ما كسبنا
ولا جينا خطوة لقدام
خفوا العين
إنتي الحب اللي أنا محتاجه
قلبك صعب أديله إفراجه
إنتي الكيف اللي على مزاجه
عودك بوم داخل زيجزاجه
كل واحد حبيبه تاجه
أنا أنا جرحي معايا علاجه
حب السنين
مشدود ليكي يا أحلى هدوء
ساعتين وهيجي المأذون
بعشق أنا أمك بجنون
عقلي يروح لو تبعدي ثانية
أحلى هدية جبتها حماتي
لما هدتني بجد حياتي
دلوقتي إنتي بقيتي مراتي
وأنا أسعد إنسان في الدنيا
دي الفيتامين
أي واحد هيخونه ذكائه
حابب أقوله أنا غير أعدائه
ياريت يستحمل في لقاءه
يجيب نار ويشد أجزاءه
زي شيطانه ما إتهور سأوه
أنا هسوقه في قطر فراقه
موت يا حزين
اللي يشوفكم وإنتوا بتهروا
ما يشفكوش يابا وإنتوا بتجروا
ده لو خصمكوا سبلكوا ضهره
بتغفلوا، ده آخركوا يا عوله
لما بشوف المهري بيهري
بتحك ما أنا هرشك ع الدُغري
عشان لو شاف خصمه هيجري
ما إنت عويل مش حمل جولة
جري المساكين
التعليقات