ملخص عيشتي كالأتي
بقوم واصحي مفيش تجديد
وكاره نفسي وحياتي
جراح فوق الجراح بتزيد
وبكتم وجعي قدامكو
لكن جوايا نار بتقيد
لحد كده كتر خيركو
روحو امشو وسبوني وحيد
انا العايش علي الونجين
وشايفني انا فرحان
لا بالعكس ده انا حزين
ومن كل البشر زهقان
بحب نفسي انا علشان
مفيش حد يحبني
ومن عمايلكو مش زعلان
ولا حاجة تهمني
ده اسمي م الفرح مشطوب
وسموني انا الفقري
بقول قدر وده المكتوب
وهعمل اي انا في قدري
ياعم الحظ وحشني
منيجو لبعض بقا دوغري
هتفضل طب بعيد عني
لامتي افضل وراك اجري
حياتي عبارة عن واتساب
بطلع فيه انا همي
من اقرب ناس انا بتساب
وعايش عمري متغمي
يامن انت تراقبني في صمت
بوجه ليك انا رسالة
ازيك انت وازاي طنط
طلعت ياصحبي حصالة
مفيش غيرك بقا ياتارجيت
شلتني في وقت زنقتي
دي كل الناس اهي خطبت
وانا لسة في وحدتي
هروح يعني لسوبر ماركت
واقولو اديني ضحكتي
في ناس لبعضيها باركت
وانا بشكي لعلبتي
ده امتي امسك ابو تفاحة
واحط جراب ابو تلاتة
واخد الجيب خمسة سياحة
واجيب كام كوتشي من باتا
لكن اللي معطلنا
دي مشكلة سهلة ببساطة
الفيزا محشورة في المكنة
مفيش جني تحت البلاطة
يامانجا فروت يا احلي عصير
ده باسورد فوني باسمك
يا محلا الايد علي المونيكير
بحس براحة وانا جمبك
يا نايتي ده انتي تتكلي
ومشبعش انا منك
ياثابتة في قلبي وعقلي
وبنسي الدنيا في حضنك
عديت مرحلة السينجل
وبقيت سينجل برو ماكس
ده اي فرح يتأجل
هبيع عمري انا علي اوليكس
وحيد مين اللي شال عني
ده كلو ليه سايق بالعكس
مفيش غير نفسي تنفعني
انا الجدع في زمن الهلس
بعامل بما يرضي الله
وتضطروني اخسركو
بتمشو عكس الاتجاه
ومع ذلك بعدلكو
لحد كده وكفاية
بلاها نهائي عشرتكو
مش عاوز اشوف حد معايا
مش عاوز اعرف اشكالكو
دي جتلي رسالة علي فوني
وبتقولي هتلقي اصيل
هشيلو انا جوة ف عيوني
لو دي مش كدبة ابريل
بمثل ان انا مبسوط
وبكتم وجعي صبح وليل
ونفسي بجد قبل ماموت
ارد لكلو انا الجميل
حمو الطيخا ليكو غنا
معروف افيونة الملايين
سعيد المعبدي سلطنا
ومش شايف فيكو منافسين
ده اسم صعب تلقي بديل
والباقي نردمو بالرديم
قط كرموز درامزو تقيل
حمو الماجيك قلمو جحيم
حودة ميلانو علي الانتاج
ستورم ورلد اصل الفن
ده اسم عملكم ازعاج
وفي المجال النمبر وان
ادارة عالية بيضربو نووي
قصادهم الكل هيترن
بولا ومعاه مؤمن نبوي
التعليقات