فيرس وبقي ادمان
وكولو شمال
مفيش ليه امان
ومات صنف اللي كانو جدعان
بقوم ماضي
لقمه حلال بتهون
جدع في الدنيا بقي مديون
ده حتي الاصل بقي كازيون في ايد واطي
صاحب مفيش ليه ضمير
صبح معدوم من التقدير
وكلها ماشيه عكس السير بتتشيطن
لعبه شيطان ابليس ده صنف خبيث
بجد خسيس معاكو الغالي يبقي رخيص وبيسرطن
بشرب كاسات احزان
وببكي الليل عشان بتخان انا في دموعي
اناس غرقان مفيش رحمه
والرحمه اجيبها منين
مابين ناس طلعو مش سالكين
بيجو اوام عشان حجرين عالم ضايعه
قلبك شايل افراد
بقيتي رحلات علي استعداد
مفيش اخلاص في قلبك مات وماشيه شمال
محبس غرام متساب
ولامم الف من الاحباب
بديل لبديل لو التاني غاب يكون شغال
بسهر ساعات في البار وجوه القلب قايد نار
ومن همي بكون محتار ناسي الفرحه
والليل بجد طويل وانا علي كتفي عمال اشيل
مفيش جمبي صاحب وزميل صحاب قرحه
بتجيبو سيرتي لما بمشي ليه ف ضهري
كان نفسي حد فيكو يقول كلامه دوغري
بس اما باجي في الوشوش كولو بيجري
متعملوش ابطال
عيال وخرعه بس علي ايدها سلعه
الاصل واطي واللي ظاهر ليكو جدعه
متحرموش متحرسوش لازم بلدعه
تعرفو انه شمال
انا الجدع اللي اتلدع علشان حنين
رغم ان ابويا ياما قلي الشر بين
صاحبي الخسيس في غله كان عمال يلون
والله مابانش عليه
بالدور وكولو جه معاده فيه هحاسب
ده في امتحان الشده كان نتيجته راسب
هتشوفو وش تاني في الوقت المناسب
هتتفاجئم بيه
هرفع سموم اول ما اقوم عالريق وابلبع
هكسر عيون اللي ازوني لما هرجع
مستني ليكو غلطه فيكو جاي هلدع
سيبوني ده انا مطروش
وقت النصيبه كولو رن وقال تعالا
لما تعبت مفتكرونيش بحاله
مش دول اللي في الصوره عامللي رجاله
سبوني وحدي مجوش
متحوريش متكدبيش كدبك كشفته
حبك رميته انا من قلبي ياختي شيلته
قلبي عشان ينساكي ايوه انا دبحته
كان لازم اني افوق
ايوه اتكسرت بس انا في بعدك ممتش
واخد عليكي بس في الفراق مخفتش
ومهما كنتي بتوحشيني انا مقولتش
حضنك مليش فيه لجوء
تحت العيون سواد ما السهره كانت طويله
مش ليله واحده كنت بسهر كل ليله
وسط الدموع مشوفتش زكريات جميله
ايوه بقيت مقتول
حالي كئيب في الاكتئاب اصبحت ماركه
بفرك جراحي كل يوم واعملها فركه
عندي انفصام مع نفسي كل يوم في عركه
جسمي صبح مشلول
التعليقات