في قلبي كلام ومش قايله
ولا تسمعلي صوت ولا همس
ومن كتر اللي انا شايله
بقيت حساس بقيت باللمس
واهلي بشكوتي اولى
عيلتي . ضموا عليا دة انتوا اللي حيلتي
عيلتي . فينكم تقلت عليا شيلتي
عيلتي . كله ما بين تلاهي ومشاغل
وانا بالزق . بتعدي ليلتي
الايام بتاخد وتدي . الا مع ابن بنتك يا جدي
نازلة فيا قسوة ومواجع . ماهيش عايزة تتحل ودي
كل الناس مصاحبين ولمة
وابن اخوكي مقطوع يا عمة
والسنين بتجري ويا خوفي تبقى دي اخر المتمة
اللي ما جيتي مرة وسألتي
بصي على ابن اختك يا خالتي
تعالي مرة كدة اسمعيني
والله لتصعب عليكي حالتي
كله عليا ومين يحامي
حد يشوف خيلاني وعمامي
قطعوا الود ولا حد سائل
يظهر كله على بعضه رامي
التعليقات