قلبك ساعات زي الحليب صافي
و ساعات يكون زي السراب كداب
معقولة يبقى حضنك الدافي
هو اللي برضو بيقسى على الاحباب
و إزاي بتقدر تتقسم نصين
تجمعنا و في ثانية تفرقنا
و إزاي بتتغير في غمضة عين
من بحر هادي لموج يغرقنا
و تقوم رياحك تقفل الابواب
قلبك ساعات زي الحليب صافي
و ساعات يكون زي السراب كداب
معقولة يبقى حضنك الدافي
هو اللي برضو بيقسى على الاحباب
ماشيين في ضلك و احنا مش عارفين
إنت فرحتنا آه ولا أوجعنا
دايبين محبة و شوق لكن خايفين
لحظة ما نتقابل تودعنا
و نتوه و نرجع على السكك أغراب
قلبك ساعات زي الحليب صافي
و ساعات كثير زي السراب كداب
معقولة يبقى حضنك الدافي
هو اللي برضو بيقسى على الاحباب
التعليقات