انا عارِف ان انتي حبَّباني و مش عايزَه تسيبيني
ولا انا عايز اسيبِك بس اعمِل ايه نَصيبي
و نَصيبك ويَايَا اني بَعذِبك مَعايا
و دَه طَبعي يا ريت اقدَر اغَيَرُه صَدَقيني
مُش عارِف اقوللِك حاجَه مَكسوف ابُص في عنيكي
عَشان فاكِر ياما قُلتيلي مَتِستَهلش حَد غيري
و مَع ذَلِك خَدعتِك و جَرحتِك و جيت عَليكي
و أدي وَقتي مابِّيمُرِش من لَحظِة ما فارِقتيني
لو في يوم شُفتِك صُدفه انا هبعد مش هَناديكي
مليش وِش اسَلِم حتىَ بعد اللّى عَملتُه فيكي
ليكي حَق تِكرَهيني ومش بعيد تكوني نسيتيني
كُلنا اه فينا عيوب و بنِغلَط ده طبيعي
بس حَظي ده المَكتوب ان اكبَر عيب جِه فيكي
بَعترف انا المَسئول ماعرِفتش احافظ عليكي
نَدمان ومش هنكر ايوَه اناني
رافِض تكوني مِلك لحَد تاني
ولغيرِك ما بَكون و هَفضَل علىَ وَعدي باقي
التعليقات