ليا سنين بدعى إنه ربى يستجيب
وإنه يدينى حبيب يشاركنى رحلة الحياة
واتقالى كتير إنى عايشة فى عالم الأوهام
مستنية فارس الأحلام
وكل آمالى دى مستحيل
بس صوت جوايا ، كان دايما يقولى،
إنه ليا حكاية هعيشها . . . وفى يوم،
هغنى فى فرحى
وسط كل حبايبى
هشكر ربى عشان
سمع الدعوات
قصادى حبيبى
هيكون نصيبى
هكون كلى ليه ربى هيخليه ليا
بعد وقت طويل اخيرا اتقابلنا انا وانت
وعلي طول ابتدت قصتنا
احلي من اللي كنت بتمناه
صحيح كتير تعبنا وياما اتآلمنا
صعوبات كتيرة واجهتنا
لكن اخيرا وصلنا
عشان اخترنا نسمع
صوت جوانا بيقولنا نسعي
واديني اليوم بغني في فرحي،
وسط كل حبايبى،
بشكر ربى عشان سمع الدعوات،
وانت حبيبى، بقيت نصيبى،
وانا كلي ليك و ربنا يخليك ليا
لا مش جامدين ولا محظوظين
احنا متباركين عشان الله آمين
بيدينا قوة وبيدينا محبة
وهي اللي بتنور لينا الطريق
فا بغني فى فرحى،
وسط كل حبايبى،
بشكر ربى عشان سمع الدعوات
قصادى حبيبى، قصادي نصيبى
انا كلى ليه يا رب خليه ليا
انه انا و انت …. بقينا لبعض
هو ده فرحي
التعليقات