نبدأ كلمنا بالسلام على كل بني انسان
الحاضر يقول للغايب اقعد يابني احجزلك مكان
ساكت بقالي كتير نفسي اتكلم من زمان
هقولها كلمة و امشي الحقيقة خلاص هتبان
الكأبة حالة عامة الكل ثور مربوط في ساقية
يلف طول اليوم مغطي عينه و روحه فاضية
النفس مش مرضية القلب ملوهش نية
الحجة ديما ثابتة اصل الدنيا جاية عليا
صحيح مش عاجبه حاله و افعاله هي هي
مش سايب حد فحاله واسبابه غير مرئية
الأحلام من غير فلوس لكن يابني it ain’t free
You either pay the price or just let it be
Dreaming by the minute I am looking at my ceiling
My list is right above me staring at it got me feeling
I am seeing I am healing I am hustling as I am breathing
اسمع و اشهد عليا اني خلاص دلوقتي Leaving
النجاح مفهوم مبينا بقى يتقاس بعندك كام
يا ريتها كام فلوس او شهادات كان تمام
قاصدي كام متابع اللي هي يعني Followers
يعملولك كتير لايكات و كومنتات يا فرحة امك
بتعمل اي حاجة هبلك يجيب لايكات زيادة
الخميس في كايرو جاز الجمعة تترقع ازازة
بتصور كل لقطة بس مشفتش حاجة فيهم
مشغول تحط فيلتر اكتب YOLO خليك زييهم
نسيت كان حلمك ايه زحمة الدنيا شاغلة دماغك
حواليك ناس كتير محدش فيهم فاهم مالك
حاسس بالأكتئاب الكلمة ديما كانت في لسانك
التكرار لفكرة واحدة خلتها خلاص ثابتة في بالك
يمكن ظروفك صعبة بس مين حياته سهلة
اسأل عن اي ناجح تلاقي وراه قصة هايلة
صلاح عندك زويل اسماء كتيرة مني تايهة
محتاج تثق في نفسك اسمع مني الفرصة جاية
لو جتلك في يوم امسكها حالك انت هيبقى عال
الفرصة بنت جميلة راكبة عجلة ببدال
الكينج قالها زمان و جيه الوقت اني اقولها
هقولها بعلو صوتي ارجوك خلاص محتاج الجرعة
جرعة من المخدر و الاستفة تمنها غالي
تضحي بحاجات كتير والتفكير سهر ليالي
مدمن باني اعيش اسلوب حياة يكون في العالي
مفيش حاجة ببلاش الجملة دي ديما في بالي
الدنيا زي الغابة مفيش مكان فيها للغلابة
زي ما فيها اسود فيها غزلان و كمان ديابة
البقاء هيكون للأقوى و الي بيسعى بنية صافية
محدش حقق حاجة طول مهو واخد الدنيا عافية
الغزالة كل يوم بتصحى عارفة حاجة واحدة
انهاردة حياة او موت لازم تجري اسرع ملبوة
الأسد زي الغزالة فتح عينه من غير صوت
السرعة برضه زيادة يصطاد غزالة او يموت
فهمت كل كلامي ولا لسة ليك مش واضحة
لو طلع عليك نهار اسعى و اجري الحظ اضرى
العمر بيك بيعدي بكرة الصحة تصبح ذكرة
تندم على كل يوم اضيته نوم و قلت بكرة
جربت سنين طرقتك و جيه الوقت خلاص تغير
الناس بتجيب في سرتك سيبك انت العمر قصير
خليك واثق في نفسك حاول تصدق that you made it
اصبر و شوف بنفسك visualize it you’re the greatest
خلاص كلامي بيخلص بس لسة الفعل ليك
الحلم حلمك انت فوق خلاص فتح عنيك
الحياة قطر ماشي you could be livin or be dyin
هتروح وتسيب علامة ولا شخص مكنش باين
الرسالة في الكلام ان حياتك زي شجرة
الجذور هي الأحلام كانت في يوم لسة بذرة
رويتها بالاهتمام بسعيك انت طلعت فكرة
الصبر يابن ادم شجرتك انت هتطرح بكرة
التعليقات