الزمن غدار و زى ما علاَ ناس بيوطى ناس
لا اللى فوق دايماً ولا اللى تحت دة مات خلاص
يعنى أجيبلك الأفادة
اللى قال إن السعادة مش فلوس قالها و خلاص
و دى كلمة باطلة من الأساس
هو قرش بيسوى¬ قرش يسوى وزنك من دهب
أما لو ماعكش قرش قول على الدنيا التعب
طول ما جيبك على الحديدة تبقى سهل و تبقى صيدة
و بيفرموك بس بأدب
و يقربولك لو طلعت
و يبيعوك لو يوم وقعت
ويشتروك لو زهرك لعب
الفقر مش عيب إنما بيبقى عيب لو فى النفوس
فى ناس بتحمد ربنا على اللقمة حاف مش بالفلوس
و ناس راحت مالهاش رجوع و ناس شبع من بعد جوع
و ناس مايملاش عينها غير لو حتى عفريت فى الفانوس
و هو قرش بيسوى قرش يسوى وزنك من دهب
أما لو مامعكش قرش قول على الدنيا التعب
التعليقات