جاي بكلمها الشحن فصل .. زعلت واتقمصت من اللي حصل
قال يعني بخونها ولا بغشها .. فاكراني قفلت السكة في وشها
مع إني أنا اللي في الأول متصل
روحتلها أقابلها لاقيت بنت أختها بتقوللي خلاص الموضوع انتهى
ومعاها جواب مكتوب فيه متأسفة لا في بيننا كلام ولا سابق معرفة
رغم إن مفيش أي غلطة عملتها
لميت صاحباتها وقعدت أحلفلهم وأنا بحكي صعبت عليهم كلهم
طلعوا مناديلهم وهات يا عياط وأنا عمال أبصلهم
وأشهد ربنا على قسوة ناس بنحبهم
تاني يوم على بيتها جريت بالوردتين قولتلها أنا آسف وهمشى بعدتين
ضحكت وقالتلي بهزر كل ده أنا عارفة انك ماتجيش إلا بكدة
سألتني ايه رأيك وشوف وصلت فين
التعليقات