يالجليله يا عهد يالسيده الاولى الجميله
يا صباحات الندى يا درة عمان الجليله
يا قمر يضوي مساها وشمس ما يغرب سناها
يالوفيه يالكريمه يالحكيمه يالاصيله
لك قلوب الطيب تنبض طيب واخلاص ومحبه
بك قلوب الجود تمطر جود يالكف الجزيله
سلطنة هيثم وقلبه لك وطن وانتي وطن له
كل ما يمطر زلاله قلبك اهدا سلسبيله
لك في دنيا عمان دنيا وانت لها احلى دنيا
قلبها بالحب عامر مثل قلبك يالنبيله
تهدي الحب ل عمان وتروي افضالك اهلها
لين صارت بك خليله لين صارت لك خليله
حبك التاريخ لنك به تباهيتي تباهى
لين خط اسمك بنور من ذهب واهداه جيله
يا عهد يا بنت عبدالله ويا درة عمانك
ما يتوه الحب وانتي يا سنا بلادك دليله
التعليقات