كلمات اغنية ديتريكس – امتلاء

عقل مملي قلب صافي رئة سودة

وينه الوقت اللي يفضها لهاي الهوسة

النفس صار عندي اسحبه بثمن اجل

وبحياتي ميجي شي بالساهل

سامع انو الضغط الزايد يولد الماس

الماسي انضغطت زايد صارت اتولد الماس

حاجر نفسي بروحي اجة كوفيد دك الباب

صوتي رايح بس بعدني اسوي راب

مااريد الواو منك ولا العطف

كل الاحتاجه وقت بس الموت يجي خطف

اعيش اليوم لهدف انو ايامي يكضن

صرت انام هواي لانو كوابيسي أهون

الحولي كله الوان بس بعيوني اشوف العتمة

عقلي يحجي هواي وعجزت ان أكتمه

المصير مكتوب والمكتوب مدا افهمه

اخاف اكول ديبرسد وتكولي خلص ختمة

شلون متريد اسمعها بس اعفيني من السفاهة

هنا متسمع ديتريكس بس حتسمع طه

بيني وبينك البيه مايتقارن باللي بيك

فلما احتاج اضحك راح اسئلك شنو البيك

صعب تلاحظ هذا الشي بس هاي بينك وبيني

اتشوف البسمة بوجهي بس الدنيا مو ابعيني

متحمل روحي لأجل تقبل الذات

تلومني مااتواصل تحسبني بذات

صح اعزك بس ما احجيلك اللي بيه

مو لأجل الثقة بس مااريدلك الأذية

عندي شحة بالمشاعر بس بالمنطق عندي ادمان

مبني على عقد ائذي نفسي حتى احس بالأمان

الالم مالي العمق صرت مااشوف الباطن

فدومي اعاملج خطأ لاني اعاملج على الظاهر

الخافيته عني احلى من التظهريه

البشر فاني لتفكرين تنتظريه

متشوف الدمعة بعيني بس بالقلب تلكة انهار

متشوفني احجي هواي لان من ححجي راح انهار

الجاي يصير اسوء حتى من الصار

ماشوف نجوم بالليل لانو اشوفها بالنهار

النومة صارت صعبة عايش عالمسكنات

عقلي بقة صاحي بس جسمي كله مات

عفت التمرين حتى راح مني التراي

كتفي بقة بارز لانو عبأ الدنيا هواي

الموت بطئ موازي لسرعة التفكير

وقتج اهم ارتاحي مااحتاج تصبير

خلي البال لنفسج وعوفيلي فترة صبر

ضحكتج لما اشوفها تنطي روح بداخل قبر

العندي فوك الحد صرت اعاني من امتلاء

كلها تشكي من الفراغ والله صرت اريده لهالفراغ