ازعل عليك الفين مره من غلاك
مليون مره يوم تنكر غلطتك
قلي اخطيت بدون ما دور وراك
مو حلوه القاها وتخرب صورتك
ازعل عليك وكنت اعدي من غلاك
يا كثر ما تغاضى واساير خيبتك
لا تحسب اني غافل وماني معاك
صدقني ادري قبل لا تفعل فعلتك
ازعل عليك وحيل يهزمني هواك
يومك تناظرني واحس بعبرتك
تقول اسف واحسب ان الله هداك
ترجع وتعملها علي وش قصتك
ازعل عليك وذاك يزعل من هذاك
والكل يخطي وانت شايف دنيتك
ما قلنا لا تخطي ولا قلنا ملاك
بس اعترف لي بيوم تعمل عملتك
التعليقات