بعد اذن نهاية العالم
لو يستنى
يومين تلاتة
كنت ناوية اخس كيلو
وابطل اكل الشوكالاتة
بعد اذن نهاية العالم
لو يروح
وييجي تاني
كنت ناوية احقق ذاتي
والاقي صدفة شريك حياتي
بعد اذن نهاية العالم
انا كنت عايزة
الف العالم
شارع شارع ابرة ابرة
واخد لي صورة في كل حتة
بعد اذن نهاية العالم
لو يديني شهرين زيادة
كنت يعني اتعلم الة
العب مزيكا واكتب رواية
دة بعد اذن نهاية العالم
بعد اذن نهاية العالم
دة بعد اذن نهاية العالم
بعد اذن نهاية العالم
بعد اذن نهاية العالم
لو يديني من تاني فرصة
كنت عايزة اعمل مكالمة
كانت تقيلة عليا يومها
بعد اذن نهاية العالم
لو يستنى عليا حبة
العب لي شوية رياضة
ولا اتعلم ارقص لي رقصة
بعد اذن نهاية العالم
لو يعني يسمح او يعني يأذن
كنت اساعد حد مثلا
او يعني اعمل فرق فعلا
دة بعد اذن نهاية العالم
بعد اذن نهاية العالم
دة بعد اذن نهاية العالم
بعد اذن نهاية العالم
دة بعد اذن نهاية العالم
دة بعد اذن نهاية العالم
التعليقات