طب إيه
"بصي أنا عارف إن مش مفروض أكلمك.. مش عارف أقول إيه"
طب إيه ؟
مرتاح في بعدك ولا حالك إيه؟
اتمنّى تبقى بكل خير، وتكون
حققت اللي قلت عليه …
ماهو أصل يعني لو ما حققتوش
من حقي أسأل،
كان بعادك ليه؟
"صدقيني أنا.. أنا كان عندي أسبابي"
أسباب؟
وكأن يعني ماكانش ليك أحباب..
طب كنت راعي العشرة والأيام
أو كنت حتى وارب الباب
كان فيه حلول، ومش ضروري أقول
مش وقته نتحاسب
ولا هو وقت عتاب
هنرجع بالزمن لورا
نغير في اللي فات وجرى
نحاول بس هل يا ترى
نضمن إنه ما يعيدناش؟
عرفت غلطتي كانت فين
بالظبط من كام سنة
أنا كنت كل الناس
لكن ما كنتش أنا
التعليقات