ده اللي هشرف بيه ابويا
واللي هثبت بيه لأخويا
ان التعليم ده كان اسطورة
وان الفشل اخره بطولة
عيش بدماغك لو بطولك
الحلقان دي رمز رجولة
عندي مبرر اوصلهولك
تغلط لسانك اقطعهولك
بالنسبالهم انت مختلف
بالنسبالهم انت غريب
مش لازم اعتكف
كل كلامي يبقى كئيب
الشارع بيعلم
يبقى نفكس للتعليم
البارع بيصمم
معنديش بكرة تسليم
مكنتش عايز اتكلم
بس انتوا الفاشلين
انتوا تعبانين
مش مرتاحين
مشكلتكوا انكوا عارفين
هتاخدوا شهادة، تحطوها فين
مديرك اللي بيديك الفين
ابنه صرفهم في خروجتين
انت مستسلم للروتين
انتوا كده مش عايشين
انتوا كده ميتين
عاملين مش واخدين، بالكوا
بتنافقوا انتوا مش راضين بحالكوا
امراضكوا بتطلع على عيالكوا
مش وقته، خليني ساكت الطف
كفاية اثتبلك انك مأطف
الشارع خلاني احرف
بالنسبالي عيشتي انضف
اصغر منك بس انضج
بالنسبالي عايز اخطف
اي فرصة تجيلي ابهرج
لما اغتني هبقى اهرج
في السليم لا مش ههرب
الفرصة جت ولازم اجرب
معايا كلب مش متدرب
شحني طاقة مش بتسرب
استنونا هنيجي نخرب
فاكس تيجي لما نقرب
بجد فاكس لا تتكهرب
كان قصده يموت نفسه
مكنش قصده يقتل يأسه
بس ديڤيد كان بينافسه
ربك ساعده وقوم نفسه
رجع يكتب اللي حاسه
مبقاش في حد يضيع وقته
الوقت بيجري انا سبقته
ابويا مماتش انا سألته
عايش في قلبي دي مكانته
مش معترض انك خدته
بس واحشاني ابتسامته
ايوة بعده كان كاسرني
دلوقتي موته اللي قاتلني
بعد لما اكتشفت اني
من غير ضهري اللي بيسندني
مع ان غيابه ده بيكأبني
عدم وجوده بيسكبني
عالجانب الاخر بيحمسني
ارفع راسه واعلي اسمه
بغرق بس مش هسيبني
عشان اشوفه مبسوط مني
ده اللي هشرف بيه ابويا
واللي هثبت بيه لأخويا
ان التعليم ده كان اسطورة
وان الفشل اخره بطولة
عيش بدماغك لو بطولك
الحلقان دي رمز رجولة
عندي مبرر اوصلهولك
تغلط لسانك اقطعهولك
التعليقات