أضحك وأحس الضحكه تضحك عليا
ياكيف بضحك لك وانا كلي أحزان
تحسب حبيبي ان الهنا في يديا
ما تدري اني في شقى طول الايام
أبيك تهنا لو حياتي شقيه
ما همني حاسد و عاذل و لوام
أضحك مدام في العمر باقي بقيه
وش عاد لو قلبي شقى منك و انضام
بسمة شفاتك يا حبيبي هديه
بلسم جروحي يا بعد كل الآلام
لا تحسب أني في حياةً هنيه
و جروح حبك في حشا قلبي أيتام
أنا عطيتك كل عمري عطية
وش حيلة اللي هام في حبك هيام
مالي على نسيانكم مقدريه
لا قادر يصحى و لا قادر ينام
التعليقات