عن وطا الارض السحابه تعانقه هيبه علوي
والتواضع من صفات العظماء المستحبه
والحياه الفاخره روعه لكن ما هي بجوي
جوي الفرحه على وجه الفقارى الأحبه
ياسمو الشعر ياللي تشبهك هيبه سموي
الغلا مافيه قلب ما لعبه ما لعبه
والحبيب لا زعل منه حبيبه وش يسوي
هل يسبه يا طويل العمر والا ما يسبه
قال عمري ما نويت اشب للهجران ضوي
والنصيحه خل عنك الهجر لا تحاول تشبه
والرضا عكس الزعل لكن بَتفكيرك تروي
تعرف ان حجم الزعل دايم حسب حجم المحبه
قلت أنا ناوي فراقه بس أنا لاجيت انوي
قام يجذبني هواه اللي يذعذع من مهبه
الغزال اللي ربا ف دبي له قلبي مهوي
طول ف غربته والرابي ما يصبر عن مربه
ذكرياته ف الخفوق وطيفه خلافي وتوي
ف التراب ف كل شبر وف البحر وفَ كل قبه
الزعل فيني عمل حاجه ما يعملها عدوي
علموه يخاف في فزاع يا اهل الخير ربه
التعليقات