كلميني شوية عني، اوصفيلي شايفة ايه
ياللي لو جوايا سر بتعرفيه
ما إنتِ أقرب مني ليا، دمي ده إنتِ بتجري فيه
قبل حتى ما تاخدي قلبي وتخطفيه
كل حاجة بحس بيها بتكشفيها
كل جنة رسمها قلبي إنتِ فيها
واللي باقي هسيبو ليكِ تكمّليه
الحكاية صفحة صفحة ألّفيها
اسرحي بأحلامك اوعي تكتفيها
كل حرف في عمري عايزك تكتبيه
كلميني شوية عني، اوصفيلي شايفة ايه
ياللي لو جوايا سر بتعرفيه
اكتبيلي حكاية تانية واللي شايفاه اعمليه
وأوعدك أنا مش هقول ازاي وليه
أي عالم أي دنيا هقبل اللي تختاريه
والطريق اللي إنتِ عايزاه همشي فيه
ياللي لما تخافي واما بتحضنيني
تتطمني إنتِ وفي الأساس بتطمنيني
حتى وإنتِ ضعيفة قلبي قويتيه
كمليني في عز نقصي واحتياجي
إنتِ مملكتي وعرشي، إنتِ تاجي
إنتِ كنز أنا عيشت عمري مش لاقيه
كل حرف في عمري عايزك تكتبيه
التعليقات