وسط الوشوش
بقى لو ضحك لك حد يوم ما بتضمنوش
واللي انت عارفه وسبت قلبك ليه سنين
ممكن في ليلة تشوف ملامحه ما تعرفوش
ما بقاش أكيد
إنك إيديك بعد السلام تلاقيها إيد
أقرب ما ليك هو اللي كان بإيديه يأذيك
صعب ان ضربة تموتك تيجي من بعيد
كلمة هتعمل خير هيرجع
في الزمن ده كمين
في ناس كتير لكن مافيش
في الناس دي بني آدمين
وخلاص عشان كل اللي كان
مدي الأمان اتخان
مابقاش في واحد فينا عارف
يدي ظهره لمين
مالهاش ضمان
والناس لبعض دي موضة خلصت من زمان
ماشية السنين والكل فيها ملونين
في القلب لون غير اللي فوق الوش بان
جرحك منين
غير من الحبايب واللي كانوا قريبين
طلع اللي قال كان عنده حق فيوم ما قال
شكل اليومين دول مش يومين الطيبين
كلمة هتعمل خير هيرجع
في الزمن ده كمين
في ناس كتير لكن مافيش
في الناس دي بني آدمين
وخلاص عشان كل اللي كان
مدي الأمان اتخان
مابقاش في واحد فينا عارف
يدي ظهره لمين
التعليقات