نور عينك قاعد في الضلمة
بيولع شمهة ويدعيلك
يباركلك ربنا في الكرسي
ويديك على قد ما تدينا
هو اللي خربها وجيت انت
بتصلح مصر وترفعها
ومفيش احمال زايده
ده عامل خد رشوة وهو اللي قطعها
ليك شنه ورنه وليك هيبة
لايق ع المنصب وكاريزما
حرية وعيش وقضاء شامخ
اما البنزين ف مفيش ازمة
والدنيا جميلة وكله تمام
مفيش مسجون من غير تهمة
واللي يعارضوك قلة اندست
او ناس بتشوشر مش فاهمة
وان كان ع الضلمة هنتعود
وان كان ع الجوع اهي مش فارقة
وان كان ع الصلاة على النبي
فاحنا بنصلي ياخويا من غير ورقة
من امتى اتعودنا نعارض
امرك على طول ماشي على الكل
وان كان ع الوضع اهو يتحسن
والناس مرتاحة وزي الفل
من حال الناس انا عقلي احتار
الناس بتشوف الفول كافيار
لو تلقى حكومة بتضرب نار
الناس بتقول اشطة استقرار
من حال الناس انا عقلي احتار
الناس بتشوف الفول كافيار
لو تلقى حكومة بتضرب نار
الناس بتقول اشطة استقرار
هشتكنا وبشتكنا وعادي
وايادي تسلم لايادي
ايه يعني وماله مفيش مانع
وفكل حالاتك انا راضي
داخلية تفض مظاهرات
والوضع جميل وديمقراطي
تاتا تاتا وجنب الحيط ماشي
وهكمل عمري وانا مطاطي
لا انا هنزل ع التحرير تاني
ولا ههتف واطلب إسقاط
انا هقطع بايديا لساني
ولا عمري هراجع قراراتك
علي البركه وسوق بينا وكمل
هيجيلي تناحه وهتحمل
ده انا هنزل وانتخبك تاني
ويارب يكتر فتراتك
من حال الناس انا عقلي احتار
الناس بتشوف الفول كافيار
لو تلقى حكومه بتضرب نار
الناس بتقول قشطه استقرار
من حال الناس انا عقلي احتار
الناس بتشوف الفول كافيار
لو تلقى حكومه بتضرب نار
الناس بتقول قشطه استقرار
التعليقات