خيوط الحلم
كلمات : عماد هاشم
رشيد
عدل خيوط الحلم .. وارسم بايدك خيط
إبني اللي جاي أهم .. إوعاك تهد البيت
إبنك صغير لساه .. و اخوك بيحبي معاه
سيبهم يعيشوا حياه.. و اوعاك تقول وطيت
أه يا جبين موجوع .. نفسك ما تنحنيش
آه لو تموت مالجوع .. بإرادتك انت تعيش
حلمك ده لو ممنوع .. ارسمها بالخرابيش
رسمة شمس طلوع .. طاهرة و مبتخفيش
عمرك ده لو مقتول .. فكرك ما هيمشيش
هد جدار مقفول .. وخلي بكرة يعيش
عدل خيوط الحلم .. وارسم بايدك خيط
إبني اللي جاي أهم .. إوعاك تهد البيت
عماد هاشم
#amorasheed
التعليقات