الخط دا خطى والكلمه دي ليا
غطى الورق غطى بالدمع يا عينيا
شط الزتون شطى و الارض عربيه
نسايمها انفاسي وترابها من ناسي
وان كنت انا ناسي متنسنيش هيا
الخط دا خطى والكلمه دي ليا
لكتب علي عيني يحرم عليكي النوم
واحبس ضياء عيني بدموعي طول اليوم
قبل الوفا بديني زي الصلاه والصوم
ده الدين في عرف الحر هم و مذلة و مر
وهموم تجيب و تجر احزان مخبيه
الخط دا خطى والكلمه دي ليا
لاكتب علي كفي والحبر من دمي
ياعزوتي كفي ياهمتي ضمي
اول ما هنوفي بالوعد هنسمي
بأسم اللي ماتوا وصغار في المدرسه والدار
والمصنع اللي انهار فوق الصنايعيه
الخط دا خطى والكلمه دي ليا
اغاني مشابهة
- هاتلنا بالباقي لبان (مع كايروكي & ناير ناجي)
- ما عاد صغيرا (مع كايروكي & ناير ناجي)
- حلمي أنا (مع كايروكي & ناير ناجي)
- دنيا العجايب (مع الوايلي و عبد الرحمن رشدي)
- خدلي قلبي (مع الماس & صافي)
- شاب شاب (مع حميد الشاعري و مروان موسى)
- كف عفريت (مع أحمد كامل & كولبيكس)
- زربو (مع أحمد بسيوني & إسماعيل نصرت & خالد مختار)
- مش سايب (مع رابتور & وزة منتصر)
- مربوط بأستك (مع كايروكي & ناير ناجي)
التعليقات