كلمات اغنية ريمون روماني – بيسألوني عن الأشعار

بيسألوني عن الأشعار

عن الحفلة

وبسأل نفسي عن أيام تكون أحلَي

وعن رحلة

مبقاش في قُدري اسافرها

وبسأل روحي مين علي فين

وبهرب من تشتيتي بأحلامي

وبهرب في طريقي اللي قدامي

وبثبت عالحياة والعيش

ورافض لسة اني اعيش

كما واحد هناك غيري

سلمت راضي بمصيري

وماشي هِناك

تمام جدا عايزني هِنا انا وياك

ترتيب حياتي يبان مظبوط

وانا من كتفي هناك مربوط

لكن كالحُر

العالم عيشته دوشة صراع

والوحدة بس ليا مفَر

ومش هكدب ولا هتغَر

واقول انها حلوة

انا لوحدي في قارة بعيدة مالغُربة

انا لوحدي بدون صُحبة

بدون كل اللي بختارهم

وكل اللي باقي أملي مستنظرهم

وكل اللي مابقرر بإني اقرب بقوم بخسرهم

انا مستور في فاترينة

انا مخلوق اكون زينة

عجوز بيوزع البركة

أبان ماشي بدون حركة

اطيِّب خاطِر الأكتاف

وارمي في وشها بسمة

وفي وسط الكلاكسات اكون رسمة

يمكن ليها يلتفتوا

والكل بيمشوا ويعدوا

وانا لوحدي هناك ثابت

وانا لوحدي بعيني بشوف

في قلب مكاني برِتم سلام

مش فاكر ايه آخر الأحلام

ومين بيشوف ده الشخص في الإشارات

ويفكر فين وازاي بينام

وإيه هي احواله

ومين ناسه وإيه حاله

ومين بالجرأة هيشاركه

ومين في مرة هيجازف

بمجازفة ساذجة محسوبة

ومين لسة عينه مش معصوبة

ومين هيشوفني يعرفني

ومين راح تبقي محبوبة